التنقل في القطارات سواء داخل المدن او بين المدن سهل جدا فممكن تبني برنامجك على أنك تتواجد بكل منطقة 2-3 أيام وتنتقل لمنطقة تانية.
برنامج سياحي في ايطاليا والفاتيكان 1– ممكن يبدأ من روما وينطلق شمالا لفلورنس وحواليها وفينيسا (البندقية) والجزر اللي حواليها وبتشمل زيارة لبرج بيزا ولبلكون جولييت وروميو
برنامج سياحي في ايطاليا والفاتيكان 2– برنامج لايطاليا ممكن يبدأ من مركزها من روما وينطلق جنوبا للنابولي وصولا لجزيرة صيقلية
برنامج سياحي في ايطاليا والفاتيكان 3– ممكن يبدأ من الشمال ويتنقل بين شرق وغرب – من فينيستيا لميلانو أو بالعكس وتقدر من ميلانو تاخد قطار لسويسرا وساعتها بتكون زرت أكثر من دولة
برنامج سياحي في ايطاليا والفاتيكان 4– ممكن يكون مسارك في الجنوب يبدا مثلا في جزيرة صيقلية غربها وشرقها وينتقل لنابولي او يبقى في الجزيرة ( أنا جربتها من كام سنة رحلة حلوة كثير)
الامكانيات كثيرة المهم انك تحدد برنامجك من البداية بسهل عليك الحجز والتنقل هتلاقي.
في البداية هتدخل موقع سكاي سكانر تختار تذكرة من القاهرة لروما في 1 ديسمبر ومن روما للقاهرة في 7 ديسمبر، التذكرة سعرها هيكون 4874 جنيه.. ودي صورتها من الموقع:
اليوم الأول- يوم الوصول
زيارة منطقة فيها عدة مباني ومعالم أثرية وسياحية منها : الدرج (السلالم) الاسبانية، نافورة القارب، تمثال الملك داوود والنبي موسى، نافورة تريفي أو اللي بسموها نافورة الامنيات، معبد البانثيون– بتوصلهم بخط مترو الاحمر رقمه A تكلفته 1.5 يورو كل اتجاه.
هناك تشوف الكنيسة والمتحف ضروري، دخولهم بين الانتظار والتجول بياخد ساعات
ممكن تحجز تذكرة الدخول مسبقا بتساعدك على تخطي الدور الطويل. الحجز ممكن يكون بمحطات القطار في المطار وفي مكاتب السياحة.
التذكرة بتمكنك أيضا من ركوب الحافلة اللي اسمها “روما كريستيانا باص” أو “هيب هوب” باللون الاصفر وهي عبارة عن مسار سياحي مع شرح عن الاماكن اللي بتمر فيها.
الجولة في الحافلة بتستغرق ساعة بتشوف فيها أهم الأماكن في روما قبل ما توصل الفاتيكان. تكلفة الهيب هوب لمدة 24 ساعة 28 يورو.
بتشوف فيها المدرج العملاق الكولسيوم، الفوروم– مقر الامبراطورية الرومانية القديمةـ والفيتوريو (الفيتوريانو)- نصب النصر ونصب الجندي المجهول.
ممكن توصلها بخط المترو الكحلي رقم B – كل اتجاه 1.5 يورو. ع فكرة لو قررت تاحد مرشد سياحي يدخل معاك مع جروب ويشرح لك عن المكان ويختصر عليك الانتظار في الدور تقدر تعملها لكن بكلفك تقريا 20 يورو.
هو من عجائب الدنيا السبع. بعد ما تعمل تشيك أوت في فندقك في روما وتدفع رسوم الضريبة السياحية تترك روما باتجاه فلورنس.
القطار بياخد معاك ساعة ونصف. ما تضيع الوقت حط الشنط في الفندق وخد قطار لبيزا. تكلفته 8.5 يورو وخلال ساعة بتكون في بيزا.
في البلد محطة واحدة للقطار يعني مش هتضيع وهناك من محطة القطار اللي وصلتها بتاخد الباص الاحمر اللي مكتوب عليه Lam هو اللي بمر من جنب برج بيزا المائل .
التذكرة بيورو ونص والتذكرة بتخدم 90 دقيقية من ساعة شراءها.
هناك بتقضي ساعات بتشوف برج بيزا المائل والكنيسة اللي قربه وبتاخد صور. لو رغبت ممكن تطلع البرج تتصور فوق. بس خد بالك فيه 294 درجة.
قربه في مطاعم ممكن تتغدى هناك بأجواء ايطالية حلوة. وممكن تركب حنطور وتعمل جولة.
في كنيسة الدومو والساحة هناك تقدر تقعد فيها المناظر حلوة والاكل شهي ورخيص .
من الدومو كمل مشي لـ غاليري الأكاديمي دخول المتحف بـ 8 يورو.
بعدين كمل الى قصر فيكو– القصر القديم الموجود في الساحة في نسخة من تماثيل داوود اللي النسخة الأصلية منه موجودة في “أكاديميا غاليري”.
بداخل القصر في ساحة واسعة وفي نافورة مياه تقدر تشرب منها. وبعدين ممكن تقطع الجسر فوق نهر آرنو العظيم وتكمل باتجاه القصر التاني قصر بيتي وتدخله تشوف القصر وممكن تشوف الجناين وتقضي ساعات هناك.
ع الجسر قدام التمثال في اقفال الحب خد معاك واحد لو عايز ومتنساش ترمي القفل في النهر وتاخط صور هناك منظر جميل جدا.
اليوم الاول لـ السفر الى فينيسيا روح فيرونا (مفضل تترك فلورنس صباحا لانه القطار بياخد ساعتين).
القطار السريع بياخد ساعتين و 35 دقيقة من فلورنس ل فينيسيا وتكلفته 39 يورو للشخص.
خط D2 مثلا بياخدك من محطة القطار المركزية الى داخل المدينة وبوقف في عدة محطات وتكلفته 7.5 يورو. ممكن تحط الشنط في الفندق لما توصل فينيسيا وتاخد قطار تطلع لفيرونا
فيرونا | الوصول لفيرونا نسبيا سهل من محطة القطار المركزية اللي في فينيسيا أنا أشتريت تذكرة بالاتجاهين بتكلف في القطار العادي في عربة غير محجوزة مسبقا 17 يورو.
فيرونا هي آخر محطة للقطار، وللوصول لبيت جولييت لازم تنزل في المحطة الأخيرة، هم بالأساس محطتين بس في فيرونا.
ممكن تمشي حوالي 20 -30 دقيقة أو تاخدي باص من المحطة هنا وبمر كل 10 دقايق أي باص رقمه 11 أو 12 أو 13 بوصل لهناك.
في بيت جوليت بتشوف البيت التاريخي اللي اتصور فيه فيلم روميو وجولييت والبلكونة الشهيرة.
بعد ما تاخد صور ممكن تنزل تشوف البلد والمنطقة اللي حوالي البيت حلوة وبتقدر تاكل هناك وجبة بين 10-13 يورو وتاخد بعدها آيس كريم.
لتتعرف عليها- ممكن تروحها مشيا على الاقدام تتجول في أزقتها وممكن تاخد سفينة أو مركب هناك.
جولة في قارب الحب ممكن تكون بالنهار أو بالليل. وهو زورق صغير بوسع لغاية 6 أشخاص باللون الأسود وبقوده كابتن مع مجداف بتعملك جولة مدتها 35 دقيقية في زقاقات المدينة الجميلة ومن تحت جسورها المنخفضة وبين البيوت.
رحلة جميلة لكن تكلفتها للمركب 80 يورو ممكن تتقاسمها مع ناس إضافيين خلال رحلة السياحة في فينيسيا.
في شركتين واحدة سواقيها- الكابتن يعني بلبسوا بلوزة مخططة أحمر وأبيض والتانية محطتها قبالها قريب من المحطة المركزية للقطار وبلبسوا بلوزة مخططة أبيض وأسود. أنا سميته “قارب الحب”.
وفي قوراب مشابهة لونها كُحلي من محطة سان ماركو.
في فينيسا لازم تتجول بساحة سان ماركو وتشوف الكنيسة اللي هناك.
في الليل المنظر رائع وفي فرق موسيقيه والقعده في المقاهي هناك حلوة بس خد بالك كوباي الشاي بـ 11 يورو مع انه وجبة سمك مشوي فاخرة بـ 18 يورو يعني قد كباية ونص شاي
كمان لازم تزور على الأقل واحدة من الجزر، انا اخترت جزيرة بورانو– جزيرة الصيادين- الجزيرة الملونة. لو حبيت تروح جزيرة بورانو خد المركب رقم 14 من محطة سان زكريا. وفي كمان جزيرة مورانو بيعملو زجاج ملون حلو كثير.
الجزيرة جميلة جدا كلها بيوت ملونة وازقتها حلوة بتتجول فيها بسهولة وما في مجال ابدا انك تضيع. بتقضي فيها ساعات ممكن تاكل وجبة سي فود وترجع بالسفينة الى فينيسيا.
العودة الى فينيسيا والمغادرة باتجاه مطار روما. المطار موجود قريب من فينيسيا بتحتاج لوصوله بالسفينة حوالي ساعة وعشرين دقيقية بتقطع التذكرة من سان ماركو رقم الباص-السفينة يعني هو A تكلفته 15 يورو.
العربية
