افتكرني
افتكرني افتكرني يا اللي قلبك مش فاكرني
افتكر يوم وافتكرني
افتكرني في غروب الشمس والليل بيناديها
والاماني وهي رايحة وراح نصيب العمر فيها
الشـــمـــــس دي املي انا
اللي في هواك راح واتفنى
ابقى شوفها وافتكرني
افتكرني في ربيع الورد لما عيونه تبكي
والحبايب عارفة جرحه يسألوه من ايه بيشكي
الــــورد ده قــــلبي انا
اللي انجرح بك وانضنى
دنيا من عمر الاماني فين زمانها وفين زماني
اشتريها وابيع حياتي لو قدرت اعيشها تاني
والـــدنيا دي حبي انـــــا
اللي في هواك يومه بسنة
آه افتكرها وافتكرني
افتكرني يا اللي قلبك مش فاكرني
افتكر يوم وافتكرني
اسم الاغنية : افتكرني
كاتب الاغنية : حسين السيد
ملحن الاغنية : محمد عبدالوهاب
غناء : محمد عبد الوهاب