كلمات اغنية البارحه ماامسيت عيسى الاحسائي.
البارحـة ماامسيـت متعومـس الــرأي = علـى الـذي عنـد الضحـى فارقـونـي
معاهم اللـي مـن العـرب غايـة منـاي = اللـي عقـب فرقـاه هاضـت شجونـي
أقـبـل يوادعـنـي ومـديـت يمـنـاي = وزاد البلـى بـي عـقـب ماودعـونـي
والله لـولا صورتـة وســط مخـبـاي = ان انتحـر لجـلـه وأقــول أدفنـونـي
ابكـي ولكـن مـا نفـع كثـرة ابـكـاي = خطيـر كثـر الدمـع يضعـف عيونـي
اش حالتـي والزيـن مـا هـوب ويـاي = مالـي امـل بعيـش بـس اعـذرونـي
من عقب ذاك العقل شمتـوا بـي اعـداي = كـل يقـول افـلان صـابـه جنـونـي
عزالله ان مـا احـد ابتلـى مثـل بلـواي = وش حالتـي ان طـال الفـراق ونسونـي
حتى هلـي جـو يسئلونـي وش دعـواي = قلـت انظـروا مـا صابنـي واتركونـي
قالـوا تعـالج قلـت انـا عـارف ادواي = لوجـو الاطبـاء كلهـم مــا شفـونـي
أدواي طفـلآ شوفتـه تـزيـل بـلـواي = اذا قـدرتـوا جيبـتـه فــا سعفـونـي
اسم الاغنية : البارحه ماامسيت
كاتب الاغنية : غير معروف
ملحن الاغنية : غير معروف
غناء : عيسى الاحسائي
العربية
