حبيبي هو .. هو عليا .. الامر الناهي
مهوش بايدي البعاد .. والقرب والله
اللي ملك هو .. واللي حكم هو
اللي ملك .. وحكم .. وامر .. وقدر .. هو
اذا امرني حبيبي .. امرُه يحييني
ولما ينهي .. الجميل نهيو على عيني
المحتكم هو .. والمقتدر هو
واللي الفؤاد يهواه .. هو
فتشتلو عن شبيه .. في الحسن يتعاين
في الأرض ولا السما .. يا ربي .. مش باين
هو الجميل هو .. هو اللطيف هو
واللي اثر وبهر .. هو
حبيبي كل المحاسن والجمال منه
واللطف والظرف كلو يتعرف عنه
عقلي انا هو .. روحي انا هو
هو الحياه هو .. هو
اسم الاغنية : حبيبي هو الامر الناهي
كاتب الاغنية : بيرم التونسي
ملحن الاغنية : محمود الشريف
غناء : صالح عبد الحي
العربية
