كل 24 ساعة عم بتوصل لغير نتائج
الأفكار براسي بتدافش زي الثور الهائج
حد يجي يمسكها بس مؤنثها بقرة
إختلطت الكلمات علي فش إشي إسمه ثورة !
الشباب منورة لما تولع فحالها النار
إشي بقول إرتفاع أسعار إشي بقول إنتحار
فرشت صفحات الغد و الرأي على طول الدار
قلت من مرة بطرش وصلت طلوع المصدار
بدي أشتري عفش فإلتقيت بنجار
المفروشات مصفوفة دحش منراعيك إختار
بدينا بـ "ياخال إنت أول زبون من الصبح"
إنتهينا "بأمريكا بتخليش حدى يزرع قمح"
بكل بساطة يوميات شعوب تحت الإستعمار
لا تضخم المؤامرة مجرد إحتكار
فإفطروا إستقرار وتغدوا أمان
إطلع عدوار الرابع نام مع الأيتام
زي محمد أحمد "إنسان ماني حيوان"
مستنكرين على الشعب التعبير عن المكان
زي لما اكتشفوا الفيسبوك بأمانة عمان
إحنا بنو إسرائيل الأصليين بدون صحراء تياه
ما حدش عم برد علينا زي شكاوي المياه
التمويل أعلاف تالفه وبسموها معزة
نازلة سكب زي الترامال على ولاد غزة
فلوين يابلد بدك إياها توصل معانا
و لوين يابلد بدنا إياها توصل معاكي
مش معقول يابلد إنضل إنقول "هذا إلي إجانا"
مش معقول يابلد تقوليلنا هذا إلي إجاكي
فلوين يابلد بدك إياها توصل معانا
و لوين يابلد بدنا إياها توصل معاكي
مش معقول يابلد 10 فيكي معهم ملايين
وستة مليون كل يوم يجوعوا فداكي
أنا مش كتير إشتراكي ولا بمظاهرات الحراكي
أيتها الإصلاحات إني لا أراكي
قام الهاكر بإختراقي منيح خلص إشتراكي
كنت بدي أفوت على الفيسبوك و أكتب ستاتوس راقي
مظاهرات جرائم الشرف ما كانوش بنات مندسات
بس يافطاتهم ركيكة فأكلوا كثير دسات
الشعب متوتر إضراب معلمين و مسات
مش عارف إذا أنا الوحيد إلي جايه الإحساس هاد
السلاح بالبلد عم يكتر مش عم بحكي عن الجاهات
الروس الكبيرة تركوا البلد و خففوا قعدات
رح نضطر نتصرف مع الدبابات جاي للفوسفات
أنا بقول نطلعلهم بمسدسات كإنا على الجوسات
الطخ عالهوا بكون بالأول تهديد
كنا بعرس وطني بس هلأ إندلق الجميد
خنحكي بالمفيد المنطقة كلها مكركبة
والبلد فيه موارد عم بحكي تحت الأتربة
الغالبية همها تاكل مش همها تتجول
و في أقلية حرمية عايشين over the rainbow
أنا تكسي بدي أشتغل فنزلتهم عالأول
اسم الاغنية : شان محلي
كاتب الاغنية : غير معروف
ملحن الاغنية : غير معروف
غناء : الفرعي
العربية
