تقول التصاق وتعمل معاق
كان غيرك يا حبيبي أشطر
نظرك ضعيف قلبك خفيف
فات غيرك برضو ومرضُه أخطر
عايز أكيد تنزل مبيت
عشم ابليس كان برضو زيك
دا لو م الجوع هتموت
ممنوع حد يجيب من برة أكلك
لائق ألف مع اني رايح بإصابات
ومع الأسف مرشح ظابط احتياط
لو في أمل م الارجاء أطلع بتأجيل
كان دا اتعمل وادوا اعفاء لنجم الجيل!
بأبوك وأمك الصول ينادي
هتبُقّ معاه صفا وانتباه
للخلف دُرّ حبس انفرادي
حالق بموس، تقريص نموس
هيخلي وشك مالوش معالم
تفوت أيام ومفيش حمّام
ياعيني وانت ساكت وكاتم
اسم الاغنية : لائق ألف
كاتب الاغنية : محمد حامد
ملحن الاغنية : اسلام مجدي
غناء : امير يوسف
العربية
