هتحس بقيمتى مش كنت بتستهتر بيا وتصغر صورتى
وتقلل منى وتتعبنى مش فارقه كرامتى
اللى يبيع فيا ويتحكم انا مش هرجعله
هتحس بقيمتى انا كنت بخاف على احساسك وبتهمل فيا
وبكبر صورتك وبطاوعك وبتيجى عليا
اللى محسش بيا طبعا عمرى ما هسمعله
انا مش فرحانه انى هسيبك لكن فرحانه
علشان مش هقدر اتحمل اصل انا انسانه
كان هم بعيشه خلاص عينى هتشوف الراحه
كان لازم افكر وافكر قبل ماتساهل
وطبيعى ان اتغير وابكى على ناس تستاهل
على ايه اتعذب واطاوعك وانا مش مرتاحه
ضيعتنى منك بتهوه لما تحس بحبى وتسبنى اتحير
لكن بعد الصبر دا كله لازم اتغير
مبقاش فاضل كلمه تقولها ولا فاضل فرصه
وفضلت تدوس على احساسى وانا قابله وساكته
دلوقتى هعيش بعدك عمرى وهكمل وانسى
اسم الاغنية : هتحس بقيمتي
كاتب الاغنية : غير معروف
ملحن الاغنية : غيرمعروف
غناء : ريهام عبد الحكيم