الطبق الفرنسي بتميز دائما بحضور النبيذ بجانبه. الفرنسيين بشربوا نبيد مع الطعام والتحلاية بتكون جبنة تصدق!
في مطاعم كثير اغلبها فيها وجبة “برانش: بركفاست-لنش” يعني بين الفطور والغذاء وخاصة يوم الأحد بتلاقي الناس واقفين بالدور عشان ياكلوا برانش.
الفوندو- عبارة عن جبنة سايخة بتيجي على طبق وتحتها بكون النار عشان تبقى سخنة وبتغط فيها قطع بطاطس مقلية معملوة بشكل كريات.
الصدف- بشكل عام الاكل البحري مشهور في فرنسا لكن خاصة طبق الصدف اللي ممكن تاخده مع فوندو.
المشروبات الروحية- النبيد الفرنسي– الفرنسيين زي ما قلت معروفيين بشرب النبيذ مع الوجبات وبدون وجبات. لكن مثلا بياخذوا شامبين روزيه مع الاكل البحري وممكن ياخذوا نبيد أحمر نوع بوردوا وهم من أفضل الانواع المعروفة.
البوظة- الايس كريم الفرنسي مشهي ومعروف بطعمه الحلو. لكن التحلاي في كثير محلات بتكون طبق من الجبنة وممكن يضيفوا جمبه قطع تفاح.
حوانيت الحلويات منتشرة في باريس شكلها نفسه مشهي
الحكومة بتعطي الموظفين استراحة غداء يومية– وفي وجبة يومية غذاء بين 1-2 الظهر فبتلاقي الموظفين متفقين مع مطعم او اتنين او تلاث قرب مكان شغلهم بياكلوا فيه يوميا وعندهم ساعة استراحة.
شيء لطيف ومعنش حقيقي J الوجبة ممكن تكون حوالي 13-15 يورو وبتشمل فنجان القهوة.
عبارة عن كعكة-باسكوته صغيرة بكافة الالوان والمذاقات وهي التحلاية التقليدية الفرنسية ومشهورة لانها مرتبطة بالملكة ماري انطوانيت فبتلاقي حوانيت خصوصية لعملها ممكن تدخل الدكان وتطلب المذاقات اللي تحبها وممكن تاخذ منها هدية. اشهر مكان ببيعها هو دكان لادور (LADUREE).
مينفعش أبدا توصل باريس وما تتذوق الاسبرسو الباريسي. بتلاقيها في المقاهي والمطاعم. 2-5 يورو. وفي حوانيت خاصة لبيع كابسولات الاسبرسو لان الفرنسيين بشربوها في البيوت. فبتلاقي فروع منتشرة بكل مكان.
بتلاقيها منتشرة في منها مطاعم شعبية بسيطة وجبة بمعدل 1-15 يورو وفي مطاعم خاصة معروفة.
مطعم مشهور وخاص عمرة 50 سنة صاحبة اسباني بقدم وجبات اسبانية خاصة اهمها بايلا وهو موجود في منطقة بلاس مونج ممكن توصله بالمترو.
الخاص في هذا المطعم اضافة للطعام اللي بقدمه انه في فرقة بتعزف موسيقى هناك فلو انت عربي هتلاقيهم واقفين قرب طاولتك وبعزفولك معزوفات وأغاني عربية ????
وبتلاقي راقصة الفلامنكو بترقص على ايقاع الموسيقى وبتلاقي الناس بتقوم بترقص في الممر الضيق جدا لان المطعم مليان وضيق والطاولات مرصوصة على بعض
لكنه مليان ناس وكمان تحف وأشياء حلوة معلقة وصور فنانين وصور صاحب المطعم مع شخصيات وتطريز اسباني وقطع اسبانية.
ببساطة مكان رغم انه غالي شوية لكن يستحق الزيارة. لكن مينفعش تزوره من غير ما تحجز مسبقا لانه عليه طلب كبير.