قولولو.. قولولو .. قولولو ..قولولو الحقيقة
قولولو .. بحبه بحبه .. من أول دقيقة
قولولو بحبه .. ومتوهني حبه ..
في بحوره الغريقة أبو عيون جريئة
---
كان مالي ما كنت في حالي متهني بقلبي الخالي ..
فات رمشه الجريء وندهلي .. وفي أجمل عيون توهني
قولولو ندهني ليه .. حيرني وشغلني عليه
بالحب اللي زايد والشوق اللي آيد
من أول دقيقة أبو عيون جريئة
فات جنبي وعيونه حبايبي نسوني اللي عايشين جنبي
بصيت له قوام حبيته .. من فرحة عيني ناديته
قولولو يقول لعنيه إيه آخرة دا كله إيه
يا يصحي لي قلبه .. يا ينسيني حبه
أبو عيون جريئة أبو عيون جريئة
---
طال شوقي وطال تعذيبي ولإمتى حداري لهيبي لهيبي
أوصف له غرامي دا كله وفي أول مقابلة حـ اقوله
وأحلف له بليالي الشوق ونجوم السما اللي فوق
إزاي قلبي حبه والبال انشغل به
من أول دقيقة أبو عيون جريئة
اسم الاغنية : ابو عيون جريئه
كاتب الاغنية : مرسي جميل عزيز
ملحن الاغنية : كمال الطول
غناء : عبد الحليم حافظ
العربية
