الهوى هوايا
ابنيلك قصر عالي
واخطف نجم الليالي
واشغلك عقد غالي
يضوي احلى الصبايا
انا الهوى هوايا هوايا
الهوى هوايا
يبقى القمر قاربنا
والليل بحر مهاودنا
والنسمة اللي تاخدنا
ترجع شايله الحكايه
الهوى هوايا
الهوى هوايا
ندخل كتب الحكاوي
واروي سنينك غناوي
واعمل طبيب مداوي
واشيل حبي دوايا
انا الهوى هوايا هوايا
---
الهوى هوايا انا الهوى هوايا
ارسم صورتك في يدي
عالنسمة اللي تعدي
عالفجر ابو ضحكة وردي
ع العمر اللي ورايا
الهوى هوايا انا الهوى هوايا
لو الايام بعدوني
يصاحبك نور عيوني
ولو نامت جفوني
يصحى في ليلك غنايا
انا الهوى هوايا هوايا
---
الهوى هوايا
انا الهوى هوايا
في عنيك يا حبيبتي
تتوه مني سفينتي
وكفايه انك انتي
اللي فضلتي معايا
الهوى هوايا انا الهوى هوايا
لكن وانا كل حيله
مش بملك يا اميره
غير ضحكي وبكايا
انا الهوى هوايا
تاريخ: 1969
اسم الاغنية : الهوى هوايا
كاتب الاغنية : عبدالرحمن الابنودي
ملحن الاغنية : بليغ حمدي
غناء : عبد الحليم حافظ
العربية
