بكيتك لين ملتني عيوني.. صبرت وطال صبري وانتظاري
حرام النوم ما قارب جفوني.. وانت للأسف منت بداري
أناجي غربة الليل وشجوني.. واراجع في هوا قلبي قراري
عسى ماتكون خانتني ظنوني.. أو انه خاب في الحب اختياري
عساهم يذكروني ما نسوني.. مثل ما ذكرهم في البال طاري
أزعلهم مثل ما زعلوني.. واراضيهم بعد رد اعتباري
أبي تختار بي والا بدوني.. كذا والا كذا والليل ساري
حبايبنا عساهم يفهموني.. أنا ما ابيع دوم الدوم شاري
اسم الاغنية : بكيتك
كاتب الاغنية : مطلع الشمس
ملحن الاغنية : مطلع الشمس
غناء : حسين الجسمي
العربية
