من صباحية ربنا طالع على رزقه في لسانه يارب
مابيبصش على حاجة غيره كسبان كل الناس بالحب
صابر مهما يشوف في حياته شقيان على بيته وأولاده
أصل ليه ابن هيبقى مهندس والتاني في كلية طب
عم عرفة
رغم ظروفه ورغم بساطته كبر أولاده على الصدق
لو 100 سكينة على رقبته عمره ما ينطق غير الحق
وعشان كرمه ربنا كارمه والناس بتحبه وتحترمه
ومشرف أولاده وأهله هو ده فعلا معنى الأب
عم عرفة
زاهد ومخليها على الله ولا طالب منه غير الستر
وعليه عزة نفس الأمرا كلمته واحدة وراجل حر
وميقبلش جنبه مش حقة هو ده فعلا معنى الأب
عم عرفة عم عرفة
اسم الاغنية : عم عرفة
كاتب الاغنية : غير معروف
ملحن الاغنية : غير معروف
غناء : سيف مجدي
العربية
